Azərbaycanlı Ser Aleks Ferqyuson

Böyük Britaniyanın “The Guardian” nəşri Azərbaycanın “Qarabağ” klubu və klubun baş məşqçisi Qurban Qurbanov barədə məqalə hazırlayıb. Məqalə “Sərt və uğurlu intizam tənzimləyicisi – Liverpul Azərbaycanlı Ser Aleks Ferqyusonla qarşılaşacaq” adlanır.

Sportdam.com məqalənin Azərbaycan dilinə tərcüməsini təqdim edir.

Sərt və uğurlu intizam tənzimləyicisi – Liverpul Azərbaycanlı Ser Aleks Ferqyusonla qarşılaşacaq

Qurban Qurbanov 2008-ci ildən bəri “Qarabağ”a rəhbərlik edir və ulduz transferlərə yox, heyət mentalitetinə üstünlük verməyə davam edir.

2008-ci ilin yayını xatırlayırsınız? Məhz o vaxtlar Pep Qvardiola “Barselona”da əsas heyət məşqçisi təyin olunmuş, Yurgen Klopp “Borussiya Dortmund”a gəlmiş və “Çelsi” Luis Felipe Skolari ilə müqavilə imzalamışdı. O vaxtdan bəri qərbi London klubunun 12 baş məqşçisi olub. Çərşənbə günü “Liverpul”un Çempionlar Liqasında oynadığı “Qarabağ”ın isə bir daimi məşqçisi olub: Qurban Qurbanov. O, həmçinin Azərbaycanlı Ser Aleks Ferqyuson kimi də tanınır.

Qurbanov dünyanın ən uzun müddət çalışan elit məşqçilərindən birinə çevrilib və klubu Avropa yarışlarında hesablaşmalı bir gücə çevirərək əlamətdar bir imperiya qurub.

Bu mövsüm onların ən yaxşı mövsümü olacaq. “Qarabağ” Çempionlar Liqasının liqa mərhələsinin son oyun günündə Enfildə səfər edəcəklər və növbəti mərhələyə vəsiqə qazanmaq üçün çox yaxşı şansa malikdilər. Onlar 10 xalla 18-ci yerdədirlər və “Marsel”, “Bayer Leverkuzen” və “PSV Eyndhoven” kimi Avropanın güclü komandalarından bir xal qabaqdadırlar. Hətta məğlubiyyət belə pley-offda qalmaq üçün kifayət onlara edə bilər.

Çərşənbə günü keçiriləcək oyun “Qarabağ”ın Avropada 204-cü oyunu olacaq və Qurbanov bunların 190-da məşqçi olub. Bu, əsasən onun gəlişindən əvvəl, hətta Azərbaycan standartlarına görə belə, kifayət qədər təvazökar bir klub olması ilə bağlıdır. Onun sələfi Rasim Kara, daha güclü komanda hesab edilən “Xəzər Lənkəran”dan daha yaxşı təklif aldıqdan sonra 2008-09 mövsümünün başlamasından bir neçə gün əvvəl komandadan ayrılmışdı.

Qurbanovun təcili əvəzedici kimi təyin olunması planlaşdırılırdı, lakin ondad gözləntilər az idi. “O, gənc məşqçi idi və yerli məşqçilər o vaxtlar çox da etibar qazanmırdılar. O, sıfırdan başladı və bu vəzifədə çox qalmalı deyildi”, – deyə 2006-2024-cü illər arasında “Qarabağ”da oynamış Maksim Medvedev bildirib.

“Amma tezliklə onun əla məşqçi olduğunu anladıq. İlk mövsümündə kuboku qazandıq, sonra isə Avropa Liqasının seçmə mərhələsində “Rusenborq”u məğlub edə bildik. Bütün macəra da elə o zaman başladı.Qurbanov rəhbərlikdən tam etimad qazandı və klub idarəçəilərindən müdaxilə olmadan işləmək imkanı əldə etdi. O, komandanı tədricən qurdu”, – deyə Medvedev əlavə edir.

Lakin “Qarabağ” Qurbanovun ilk və tarixində ikinci Azərbaycan çempionluq titulunu qazanmaq üçün 2014-cü ilə qədər gözləməli oldu. Bundan sonra onlar maşına çevrildilər və son 11 mövsümdən 10-da liqa çempionu oldular. Bu vaxt ərzində onlar Avropada da irəliləyiş əldə ediblər. Onlar müntəzəm olaraq Avropa Liqasının qrup mərhələsində çıxış ediblər və 2017-ci ildə Çempionlar Liqasına vəsiqə qazanıblar.

“Qarabağ”ın uğuru siyasi baxımdan da Azərbaycan üçün çox vacibdir. Klub əvvəlcə mübahisəli Dağlıq Qarabağ bölgəsindəki Ağdam şəhərində yerləşirdi və Ermənistana qarşı müharibə zamanı tamamilə dağıdıldı. Münaqişəyə son qoyan müqavilənin bir hissəsi olaraq, 2020-ci ildə yenidən Azərbaycanın nəzarətinə keçdi və hazırda yenidən qurulur.

Qafqazinfo.az-ın jurnalisti Elsevər Məmmədov izah edir: ““Qarabağ”ın mərhum prezidenti Əbdülbari Gözəlin sözlərinə görə, Azərbaycan prezidenti Heydər Əliyev əsrin əvvəllərində klubu xilas etmək üçün ondan rəhbərliyi ələ almasını istəyib. Gözəl ona əhəmiyyətli investisiyalar qoyacağını vəd edib. O, ölkədə qida məhsullarının əksəriyyətini istehsal edən çox böyük bir şirkət olan “Azərsun Holdinq”ə rəhbərlik edirdi.”

“Qarabağ”ın pulu var idi, amma rəqiblərinin çoxundan fərqli olaraq, onlar böyük xarici adlara investisiya qoymurdular. Qurbanovun strategiyası hissələrin cəmindən böyük bir kollektiv qurmaq olub.

Medvedev deyir: “Biz heç vaxt top ulduzlarla müqavilə bağlamamışıq. Qurbanov üçün bütün oyunçular bərabərdir. O, tələblərini yeni gələnlərə izah edir və yalnız onları qəbul edənlər heyətə daxil ola bilərlər. Birlikdə olduğumuz müddətdə heç kimlə ciddi münaqişələri olmayıb. Məşqçi sərtdir və nizam-intizama diqqət yetirir, amma çox ədalətlidir. O, həmişə oyunçularını müdafiə edər, onlara kömək edər və peşəkar və şəxsi məsləhətlər verərdi. Hamı onu sevir və hörmət edir.”

Record.az saytının baş redaktoru Kənan Məstəliyev əlavə edir: ““Qarabağ” bahalı transferlər edə bilər, amma Qurbanov heç vaxt heyətdəki tarazlığı pozmaz. Onun üçün yalnız komanda vacibdir. O, səbirlidir və öz fəlsəfəsinə inanır. Sistemə uyğun oyunçuları seçir, əksinə yox”.

Qurbanovun fəlsəfəsini təsvir etmək istənildiyində Medvedev bunun topa sahib olmaq və proaktiv olmaq üzərində qurulduğunu söyləyir. “Qurbanovun rəhbərliyi altında oyuna nəzarət etməyə və mümkün qədər çox qol vurmaq şansı əldə etməyə çalışdıq”, – deyə o bildirir. “Heç vaxt səhv etməkdən qorxmadıq. Hətta ən güclü rəqiblərə qarşı belə stilimizi dəyişməyəcəyik. Bu, xüsusən də 2020-ci ildə “Legiya Varşava”ya 3:0 hesabı ilə qalib gəldikdən sonra özünü doğrultdu. O vaxtdan bəri hər kəsi məğlub edə biləcəyimizi bilirdik və daha çox hücum futbolu oynadıq”.

Nəticələr də bu yanaşmanı təsdiqləyir, çünki “Qarabağ” Avropada bir neçə dəfə çox qol vurulan oyunlarda iştirak edib. İki il əvvəl Avropa Liqasında “Braqa”da 4-2 hesabı ilə qalib gəlmiş, sonra isə 1/8 finalda Xabi Alonsonun rəhbərlik etdiyi “Leverkuzen”i az qalırdı udsunlar. Onlar, evdə 2-2 heç-heçə etmiş, sonra isə Almaniyada 3-2 hesabı ilə məğlub olmuşdu. Keçən mövsüm Bolqarıstanda “Ludoqorets”i 7-2 hesabı ilə məğlub etmişdilər.

Bu mövsüm “Qarabağ” “Ferensvaroşu” ümumi hesabda 5-4 hesabı ilə məğlub edərək liqa mərhələsinə vəsiqə qazandı. Lissabonda 2-0 hesabı ilə geridə olduqları oyunda “Benfika”nı 3-2 hesabı ilə məğlub etdilər, sonra “Kopenhagen”ə qarşı 2-0 hesabı ilə qalib gəldilər və “Çelsi”yə qarşı əyləncəli oyunda 2-2 heç-heçə etdilər. Keçən həftə “Ayntraxt Frankfurt”a qarşı 3-2 hesabı ilə qalib gəldilər.

Qurbanovdan əvvəl Azərbaycanın futbol tarixində ən vacib şəxs 1966-cı il Dünya Kuboku finalında Geoff Hurstun qolunu qeydə alan yan xətt hakimi Tofiq Bəhramov idi. Onlar milli stadionlarına onun adını verdilər – amma indi “Qarabağ”ın məşqçisi çox irəlidədir.

“Qurbanov Azərbaycanda əfsanədir. O, qeyri-mümkün görünən şeylərə nail olub”, – deyən Medvedev əlavə edir: “O, bizim öz azərbaycanlı Aleks Ferqyusonumuzdur. O, istədiyi qədər “Qarabağ”da qalacaq və sonra təqaüdə çıxacaq”.

Hələlik isə o, uzun nailiyyətlər siyahısına əlavə etmək üçün “Enfild”dəki məşhur qələbəni hədəfləyir.