Ağdamın “Qarabağ” klubu, Kiprin “AEK” klubundan fransalı müdaifəçi Jeremi Qnalini transfer edib. Transfer 100 min avroya başa gəlib.

Bu barədə “Qarabağ” klubunun rəsmi saytı məlumat verib. Məlumatda deyilir ki, Ağdam klubu heyətinə yeni futbolçu qatıb. “Qarabağ”ın Kiprin AEK (Larnaka) klubu ilə bir müddətdir davam edən danışıqlar uğurla yekunlaşıb. Fransalı futbolçu Jeremi Qnalinin “Qarabağ”a transferi ilə bağlı razılıq əldə olunub.

Sol cinah müdafiəçisi ilə 2,5 illik müqavilə imzalanıb. Fransanın “Mets” klubunun yetirməsi olan arxa xətt oyunçusu “Qarabağ”da 24 nömrəli forma ilə çıxış edəcək. 23 yaşlı sol cinah müdafiəçisi karyerası ərzində “Mets B”, İspaniyanın “Tarazona” və “Melilya” komandalarında da çıxış edib.

Futbolçu 2020-ci ildə “Mets” klubunun akademiyasından “Mets U19” komandasına qoşulub. “Mets”in U19 komandasında 13 oyunda meydana çıxan futbolçu 2 qol vurub. 2021-ci ildə klubun B komandasına dəvət edilib. Burada 2021-22 mövsümündə çıxış edən futbolçu 21 oyunda meydana çıxıb. “Mets” B komandası ilə, Fransanın Üçüncü Liqasında oynayıb.

9 sentyabr 2022-ci ildə azad agent kimi, İspaniyanın ikinci liqasında yarışan “Tarazona” klubuna keçib. 17 iyun 2023-cü ildə İspaniyanın digər klubu “Melilya” klubuna keçir və 24 yanvar 2024-cü ildə yenidən “Tarazona” klubuna qayıdır. Fransalı futbolçu 2 il müddətində “Tarazona” klubunda 44, “Melila” klubunda isə 16 oyunda meydana çıxmışdır.

9 avqust 2024-cü ildə, 150 min avroya “Tarazona” klubundan Kiprin “AEK” klubuna keçir. Jeremi Qnali Kipr klubunda 60 oyunda meydana çıxır və 7 məhsuldar ötürmə edir. Futbolçu 2 fevral 2026-cı ildə 100 000 avroya Ağdamın “Qarabağ” klubuna transfer edilib.

 

 

.