Çempionlar Liqasında “Ayntraxt” ilə qarşılaşacaq “Qarabağ” klubu mətbuat konfransı keçirib. Mətbuat konfransında klubun baş məşqçisi Qurban Qurbanov və futbolçusu Pedro Bikalyo danışıb.

Mətbuat konfransında ilk olaraq Qurban Qurbanov danışıb. Qurban müəllim bunları deyib:

“Salamlayıram hər birinizi. Çox xoşdur sizləri yenidən burda görmək və ilk olaraq bildirmək istəyirəm ki, hamımız üçün tarixdə ağır bir gün olub Azərbaycan üçün və başımız sağ olsun.
Oyuna gəldikdə bəli, çox vacib oyundur. Düzdür, hazırlaşmağa vaxtımız çox da olmadı. Amma hər bir halda elə Antalyada fikirlərimi bildirmişdim ki, bir az vaxtımız oldu istirahət etməyə və daha sakit oyuna hazırlaşmağa. Amma az bir vaxtdan düşünürəm ki, səmərəli istifadə elədik və maksimum çalışdıq ki, bu oyuna ən azından futbolçularımızı fiziki baxımdan hazırlamağa. Amma hər bir halda əvvəl qeyd elədiyim kimi, bir yoldaşlıq oyunu da əlavə oynasaydıq, bəlkə daha yaxşı olardı. Buna baxmayaraq futbolçularım çox istəkli idilər, çox intizamlı idilər. Bu oyuna böyük əhəmiyyət verirdilər hər bir məşdə. Və inanıram ki, sabah çox intizamlı bir kollektiv görəcəyik meydanda və rəqibin də düşərgəsində bəzi dəyişikliklər olur. Bu bəzən bizə mane olan amillərdəndir və komanda daha yığcam olacaq, daha intizamlı olacaq və daha istəkli olacaq. Buna baxmayaraq inanıram ki, ən azından çalışaq ki, sizləri sevindirməyə. Azərkeşlərimizi sevindirməyə ki, baxımlı oyun göstərməyə
və inanıram sabahkı oyunda ən yaxşı oyunlarımızdan birini oynamağa çalışacağıq.

Daha sonra Pedro Bikalyo danışıb. Braziliyalı futbolçu bunları deyib:

“Bu gün 20 yanvardır. Bilirəm ki, ölkə üçün çox önəmli, həm də çox kədərli gündür. 36 il bundan əvvəl çoxlu insanlar müstəqillik üçün küçələrə axışmışdı və çoxlu insanlar həyatlarını qurban verdilər və Allah onlara rəhmət eləsin deyirəm. Oyunla bağlı onu deyə bilərəm ki, bu çempionlar liqasıdır. Çox önəmli bir oyundur bizim üçün. Bildiyiniz kimi biz Türkiyədə idik. Orda mini bir hazırlıq keçdik. Təlim məşq toplanışımız oldu. Yəni bu bizim üçün çox önəmli idi və inanıram ki, və ümid eledyirəm ki, sabahkı oyunda bu təlim məşq toplanışında işlədiklərimizi sabahkı oyunda həyata keçirə bilərik.

Qurban Qurbanov və Pedro Bikalyo açılış nitqini bitirdikdən sonra, jurnalistlərin suallarını cavablandırıblar.

— Qurban müəllim, uğurlar arzulayıram sabahkı matda. Qeyd elədiz ki, rəqibin düşərgəsindəki dəyişikliklər sizə mane oldu. Bu demək olarmı ki, sizin planlarınızı pozdu həm də. Çünki uzun müddətli yenlə Topmöllerin o baş məşqçinin rəhbərliyi altında olan komandanı analiz eləyirdiz. Son anda bu dəyişiklik sanki bir taktiki planda da planlarınızı pozdu.

— Düşünmək olar. Çünki həqiqətən biz oyunlara baxırdıq. Elə bu sezon yanvardan bu yana üç oyun oynadılar. Hansı ki, həm fərqli heyət oynayırdılar, həm fərqli sistemdə, fərqli oyunun gedişatında fərqli-fərqli hücumlar qururdular. Çox, hər oyunda bir cür, belə deyək, müdafiə olunurdular və ona uyğun hardasa işimizi aparırdıq. Və, birdən bu dəyişiklik istər-istəməz bəli. Bizim üçün sabah meydanda o qədər diqqətli olmalıyıq ki, hansı onların gedişlərinin qarşısını almağa və yaxud öz gedişlərimizi daha da yaxşılaşdırmağa. Amma buna baxmayaraq belə hallar olub. Neçənci dəfədir bizimlə belə bir oyundan əvvəl, vacib oyundan qabaq, belə bir dəyişikliklər olur. İnanıram ki, əsas biz öz hazırlığımızı, öz oyunumuzu intizamlı oynasaq sona kimi və diqqətli olsaq, rəqibin nə etmək istədiyini meydanda düşünsək, məncə problem olmalı deyil. Bəli, təcrübəli rəqibdir, təcrübəli komandadır. Bəli, ümumi öz özünə məxsus alman intizamı var. Yəni bunlar öz yerində. Buna baxmayaraq bizim təcrübəmiz və bugünkü futbolçuların hazırlığı inanıram ki, biz sabah öz oyunumuzu əvvəlki oyunlardan daha yaxşı oynasaq inşallah inanıram uğurlu nəticə əldə edə bilərik. Amma həqiqətən bizim üçün biraz sürpriz oldu. Biraz fikirlərimiz belə deyək qarışdı.

— Sabahkı oyunda mən də uğurlar arzulayıram. Bikalyo və Qurban müəllimə sualım olacaq. Bikalyoya sualım odur ki, yəni bu oyun Qarabağ üçün çox əhəmiyyətli oyundur və bu oyunu özü üçün, öz karyerası üçün yəni əhəmiyyətli oyun hesab edirmi?

— Əminliklə deyirəm ki, bəli. Turnirin nəhəngliyini nəzərə alsaq, oyunun vacibliyini nəzərə alsaq doğurdan da bu oyun çox önəmlidir. Qalib gələcəyimiz halda nələr olacağını təsəvvür edirsiniz. Ona görə də, əminliklə deyə bilərəm ki, çox vacib oyundur mənim karyeramda.

— Qurban müəllim, uğurlar arzulayıram sabahkı oyunda. Rəqib sabah gələcək Bakıya və Bakıda məşq eləməyəcək. Bunu son olaraq “Çelsi” komandası da belə eləmişdi və bir xal götürə bilmişdi. Yəni bu hal “Qarabağ” üçün bir üstünlük ola bilərmi? Yəni sabahkı oyun üçün?

—  Yox, məncə elə bir əhəmiyyət kəsb eləmir bu. Bəli, belə hallar olub. Hətta bizim də belə getdiyimiz vaxt olub. Bu, sadəcə öz proqramlarına uyğun belə qərar veriblər. Yəni elə də əhəmiyyəti inanmıram ki, olsun. Ələxsusda belə bir oyunda, belə bir durumda.

— Uğurlar arzulayıram Qurban müəllim, Aleksandr Meyer, bu komandanı hazırlayan məşçi 13 il qabaq Qarabağa üç qol vurub. İkisini burda vurmuşdu, birini Frankfurtda. Bu sizin üçün bir xüsusi əhəmiyyət kəsb eləyir? Bir də hava şəraitini soruşmaq istəyirdim. Hər hansı bir təsiri ola bilər?

— Əminliklə deyə bilərəm ki, indi qol vura bilməyəcək bizə. Yəni sadəcə tanış simadı, əlbəttə ki, görmək çox xoş olar. Hava şəraiti normal. Yəni olub belə hallar. Biz hər bir hava şəraitində meydanda intizamlı oynamağı bacarmalıyıq. Çünki futbol elə buna görə sevilir ki, istənilən hava şəraitində oyunlar olur. Çox nadir hallarda oyunlar təxirə salınır. Amma inanıram ki, hər iki komanda üçün eyni olacaq və elə də bir təsir olmalı deyil.

— Sabahkı oyunda uğurlar. Qurban müəllim, bu qışda qısa bir pauza olub. Bu payızdakı tempi saxlamaq üçün bu pauzanın hansı plusları var, hansı minusları var?

— Bizim üçün çox müsbət haldır. Ümumiyyətcə əvvəl də fikirlərini bildirmişdim ki, bizim istirahətə çox ehtiyacımız var idi. Bəlkə bəzi komandalar üçün pauzanın çox olması, hansı ki, Avrokuboklarda iştirak eləməyən komandalar üçün, onlara bəlkə mane ola bilər. Amma bizə bunun düşünürəm ancaq faydası oldu. Ən azından bizim futbolçuların yorğunluğunu biraz azalda bildik. Və bəzi futbolçularımızın mikro zədələri var idi. Onları bərpa eləyə bildik. Ola bilər bir neçə oyun öz optimal formamızdan uzaq olaq. Amma qarşıdakı ümumi uzun marafona baxsaq, həm bu iki oyun, həm çempionatda, həm kubok oyunlara baxsaq, bizə bunun ancaq faydası oldu. Belə bizim üçün faydası oldu, digər komandlar üçün bilmirəm.

— Qurban müəllim, sabahkı uğurlar arzulayıram. Bakıdakı mətbuat konfransında, təlim məşq toplanışından əvvəl bildirmişdiz ki, bir neçə oyunçularla danışıqlar davam eləyir. Bunun üzərində işləyirik. Qış transfer dönəmində transfer olacaqmı və yaxud danışıq apardığınız futbolçuların keçidlərinin alınmamasına səbəb nə oldu?

— Gözlənti çoxdur, alınmalıdır. Görək hər hansı bir mane olmasa danışıqlarımız yenə davam eləyir. Amma ən azından transferimiz olmalıdır.

— Sabahkı oyunda uğurlar arzu eledyirəm. Sualım Bikalyoyadır. Yenidən “men of the match” olmaq kimi bir məqsədi var Pedronun?

— Yox, yəni belə bir məqsədim yoxdur. Əsas komandanın qalibiyyətidir. Təbii ki, əsas qələbə qazanmaq da oyundan sonra kim seçiləcək, o artıq başqa məsələdir. Belə məqsədim yoxdur amma.

— Qurban müəllim. Uğurlar arzulayıram. Bayaq qeyd elədiz ki, daha çox yoxlama görüşü keçirmək istəyərdik. Yəni bunun alınmamasının səbəbi vaxtdarlığı idi, yoxsa rəqib tapa bilməmək? İstədiyiniz səviyyədə rəqib.

— Yox, vaxt sadəcə. Sadəcə vaxt.

— Bir də Pedroya olaraq sual vermək istəyirdim. Pedro Bikalyonun da adı çox tez-tez mətbuatda hallanır fərqli komandalarla. Hətta Qurban müəllim özü də bundan bir narazılıq bildirmişdi ki, sırf Bikalio ilə bağlı yox, bütün futbolçular. Yəni bu qışda da adı çox komandaların hallandı. Bu “Ayntraxt”la çox vacib oyun öncəsi sırf özünün oyuna fokuslanmaq sarıdan yəni bir problem törətdimi yoxsa yalnız o fikirlər yox idi yalnız oyunu düşünürdü?

— Qətiyyətlə deyə bilərəm ki, bu mənim oyuna kökləməyimə heç bir maneçilik törətmir. Bir az öncə də qeyd elədim ki, bu oyun mənim karyeramın ən önəmli oyunudur və buna görə də tamamilə bu oyuna fokuslanmışam. Digər məsələlər, hamısı, bunlar Qurban müəllimin, klub rəhbərliyinin işidir. Yəni mən oyunu fikirləşirəm ancaq.

— Qurban müəllim, əvvəlcə uğurlar arzu eləyirəm. “Ayaks”la oyundan öncə ötən dəfə hamı da, ümumiyyətlə komandada da, bir rahatlıq var idi ki, rəqib xal qazanmamışdı və burda qələbədə müəyyən marağı yox idi. Amma komanda oyuna çıxanda müəyyən qədər rahatlığı hiss olunurdu və öndə olduğu hesabda öndə olduğu halda sonradan qələbəni əldən verdi. Bu oyunda, “Ayntrax”da Bakıya müəyyən itkilərlə gəlir. Ciddi itkiləri var. Rəqib baş məşçi bir neçə gün öncə istefa verdi, istefaya yollandı. İndi hazırda komandada futbolçuların vəziyyəti necədir? Yəni bu barədə futbolçularla söhbət aparmısınızmı? Təşəkkür.

— Ümumiyyətcə bu turnirin çəkisi çox ağırdır. Ümumiyyətcə bura tam fərqli bir, yəni əsl futbol yəni bu Çempionlar Liqasıdır. Yəni böyük futbol dedikdə, Çempionlar Liqası dedikdə biz bunu başa düşürük. Yəni burda rəqib komandanın, hansı ki, Avropadan gələn komandanın bir problemi var deyə, belə bir fikiri biraz mən bunu qəbul eləmirəm. İndi bunlar illər boyu 100 illərdir, nə bilim 70-80 illərdir, bunlar köklü bir klublardır. Bunların bir-iki oyunçusunun olmaması və yaxud klubda hansısa bir məşqçi dəyişikliyinin olması belə bir oyunlarda onlara heç bir təsiri olmur. Əksinə dediyim kimi onlara əlavə bir motivasiya verir və onların seçimləri çoxdur. İstənilən oyunçunu istənilən səviyyədə ondan da yaxşı əvəz eləyə biləcək bir oyunçu var. Sadəcə biraz bəzi fikirlər görürsən olur. Sanki biz zəif komandaya qalib gələ bilmədik. Bir az belə fikirlər ola bilər ki, futbolçulara əlbəttə ki, təsir eləsin. Amma buna baxmayaraq bizim bəli, futbolçularla danışığımız olur ki, biz komandanın gücünü bilməliyik. Komandaya böyük dəyər verməliyik və ona uyğun öz işimizi, öz oyunumuzu qurmalıyıq. Və belə bu gün də fikirləşmirəm ki, rəqib tərəfdə, rəqib düşərgəsində hansısa bir problem var. Sadəcə bu işin gedişatıdır. İllər boyu bu belə təkrarlanır. Və istər bizim çempionat olsun, istər digər ölkələrin çempionatları olsun. Belə halların yəni tez-tez şahidi olmuşuq və bunlar buna hazırdırlar. Bunlar yəni təkcə bir nəfər idarə eləmir klubu. Bunlar illər boyu elə bir sistem qurublar ki, bu hallara hazır olduğunda belə bir addım atırlar və onlar bilirlər ki, nəyi nə vaxt etmək lazımdır. Amma əsas məsələ bizim üçündür ki, elə əvvəl Kənanın da sualında ki, biz bir cür hazırlaşdıq və qarşımızda fərqli bir rəqib gördük, görəcəyik. Amma buna baxmayaraq mən yenə deyirəm ki, ona görə mən illər boyu həmişə istəmişəm ki, biz öz oyunumuzu oynayaraq qalib gələk. Yəni öz bacardığımızı edərək meydanda qalib gələk ki, bizim belə hallarda hansı bir problemimiz olmasın. Buna görə biz əvvəl də qeyd elədiyim kimi, baxmayaraq bir həftə olduq biz Antaliyada, biz əgər öz hazırlıq planımızda, əgər ordakı düşüncələri, ordakı hazırlığı, ordakı əminliyi biz sabah meydanda göstərə bilsək, Allahın izni ilə biz yaxşı oyun göstərəcəyik və yaxşı nəticə əldə eləmək gücündəyik. Amma əlbəttə ki, baxmayaraq rəqib Bundesliqadan gəlir və biz böyük qiymətləndiririk onu. Amma əlimizdə əgər şans varsa, niyə biz bundan istifadə etməyək? Biz sadəcə bu fikirlə yəni oyuna fokuslanacağıq və inşallah inanıram ki, mən də hələ bildirmişəm ki, biz çox bildirə bilərik, çox fikirlər, çox ideyalar verə bilərik. Amma meydanda bunu həyata keçirən mənim futbolçularımdır, mənim döyüşçülərimdir. Və onlar da bu gün buna özünü tam fokuslasalar, bu oyuna ki, bizim əlimizdəki şansdan maksimum istifadə etməliyik. İnşallah inanıram ki, sabah sizi həqiqətən yaxşı bir oyun göstərəcək və yaxşı, ağıllı oyuna baxa biləcəksiz. Yaxşı, texnikalı oyuna baxa biləcəksiz. Və mən futbolçularımı bu gün buna fokuslamışam ki, biz öz oyunumuzu oynayaraq az hesabla qalib gələk. Amma bu gün biz öz oyunumuzla qalib gələk. Ona görə bu cür biz davam eləsək, bizim qarşıdakı illərdə, qarşıdakı vaxtlarda əgər bu tempi qoruyub saxlasaq, bizim üç yox, beş qalibiyyətimiz olacaq. Beş yox, daha artıq olacaq. Ona görə yəni mənim ümumiyyətcə fikrim futbolçularımla, danışıqlarımda bu cürdür.

— Qurban müəllim, xoş gördük. Həm sizi, həm Pedronu salamlayıram. Sabahkı oyunda uğurlar arzulayıram. Sualım belə olacaq. Komandamızın heyətində Montiel transfer olduqdan sonra uzun bir müddət futbolsuz qalmışdı. Formada deyildi. Lakin komandanın daxilində lazımı formaya gəlib çatdı. Ən azından siz ola bilər ki, belə düşünəsiz və “Ayaks”la oyunda son dəqiqələrdə meydana daxil oldu. Oyunçu öz səviyyəsini və texnikasını ortaya qoydu. Oynadığı yeddi-səkkiz dəqiqə müddətində və sizin artıq qış fasiləsində də düşünürəm ki, daha çox işləmək şansınız olub. Montiel sabahkı oyundakı forma şansını nə qədər qiymətləndirirsiz?

— Bəli, xeyli vaxt futboldan uzaq qalmışdı. Bu gün ümumi durumu pis deyil. Amma yəni futbolçu necə deyim, elə bir məxluqdur ki, ondan nə vaxt soruşsan deyəcək ki, mən optimal formadayam, mən hazıram, mən 90 dəqiqə istənilən oyunda oynaya bilərəm. İstər bir ay məşq eləsin, eləməsin, sonra bir gün, iki gün məşq deyəcək ki, mən oynaya bilərəm. Amma ümumi reallığa baxsaq, bəli, bu gün ümumən gələndən çox əziyyət çəkib Montiel.  Ümumiyyətcə, həm ümumi hazırlığında problem var idi, həm sonra zədə aldı məşqlərin gedişatında, həm oyun təcrübəsi. Ümumən belə çox peşəkarcasına yanaşdı öz işinə və mən razıyam bu gün. Amma hər bir halda mən hələ bu gün Montieli tam hazır hesab etmirəm. Yəni özü nə qədər məşlərdə özünü yaxşı tərəfdən göstərsə də, yoldaşıq oyunda yaxşı nəticə versə də, amma hələ mən tam hazır görmürəm onu. Çünki adam bir ildən çox futbol oynamayıb. İstər belə həm gərgin oyunlarda, həm belə dinamik oyunlarda, həm belə məsuliyyətli oyunlarda onun daha da oyun təcrübəsinə çox ehtiyacı var. Baxmayaraq 27 yaşı var, 28 yaşı var. Amma ümumən belə bugünkü hazırlığından razıyam. Və inanıram ki, yaxşı hələ daha yaxşı ola bilər əgər bu cür davam eləsə. Və mən buna inanıram və inşallah mən də bir məşçi kimi çalışacam ki, onu daha da yaxşı bir səviyyəyə gətirməyə. Əgər o bu istəyindən qalsa, əgər özü bu cür peşəkar qalsa belə ümumən bugünkü gün üçün onun hazırlığından razıyam.

— Qurban müəllim, hər vaxtınız xeyir olsun. Bakı TV Emin Şəmsiyev. Sabahkı oyunda Azərbaycan təmsilçisinə uğurlar. UEFA Çempionlar Liqasının gərginliyini nəzərə alsaq, oyunların çətin olmağını və hazırlıq prosesini nəzərə alsaq, bu Qarabağa ölkə çempionatına və ölkə kubokuna köklənməyə ümumiyyətlə maneçiliyi var? Bir təsiri varmı? Təşəkkür edirəm.

— Ümumən təsir olur. Yəni özünüz şahid olmusuz ki, bəzən belə oyunlardan sonra bizim xal itkilərimiz çox olub. Bu təkcə bizdə yox, ümumiyyətcə bütün Avropada belədir. Və biz şükürlər olsun Allaha neçə ildir belə biraz öz yerimizi qoruyub saxlaya bilmişik öz çempionatımızda. Amma digər ölkələrə baxsaq, görürsən ki, çox problemləri olur. Hansı ki, hətta elə ölkələrin komandaları var ki, görürsən çempionluqdan sonra bu turnirdə, bu turnirdəki oyunlardan sonra öz liqalarında yeddinci, səkkizinci, 10-cu, 12-ci yerlərdə gedirlər və xal itkiləri çox olur. Amma ümumən bəli, bizə maneçilik var. Çünki istər-istəməz bizim fikrimiz bu oyunlaradır, bu gərgin keçən oyunlaradır. Amma buna baxmayaraq bu hardasa müvəqqəti olur. Sonradan yenə köklənə bilirik digər oyunlara. Sadəcə biraz həm yorğunçuluq, həm biraz psixoloji gərginlik görürsən çempionatdakı oyunlara maneçilik olur. Və bu neçə illərdir biz bunu belə davam edə-edə gəlirik. Şükürlər olsun Allaha pis alınmır. Amma get-gedə futbol elə bir səviyyəyə gəlib çatır ki, əvvəlki illərdən daha çox güc sərf eləyirik. Daha psixoloji yoruluruq. Daha oyunlarda enerji çox itiririk. Biraz çətinləşir, amma hər bir halda bizim işimizdir. Biz çalışmalıyıq ki, eyni səviyyədə qalmağa və bunun üçün bizim 11 futbolçumuz yox, 22-23 futbolçumuz var. Və belə oyunlarda, belə anlarda digər futbolçuların üzərinə daha çox böyük məsuliyyət düşür və onlar da bunu anlayırlar və neçə illərdir bunu belə qoruyub saxlaya biliblər. Və bəzən bizim belə deyək üzdə olan futbolçularımız görürsən komanda üçün onların faydası görünür, onlar haqqında danışılır. Amma bizim digər hansı ki, ikinci heyət deyək belə indi inanıram ki, futbolçularımın xətrinə dəyməz. Sadəcə belə görünür, belə səslənir və o futbolçuların etdikləri bəzən bizim digər futbolçularımızın etdiklərindən daha da faydalı olur. Çünki biz o tempi qoruyub saxlaya bilməsək, biz o çempionatda, o oyunlarda biz qalib gələ bilməsək, biz növbəti il nə Çempionlar Liqasında iştirak eləyə bilərik, nə Avroliqada iştirak eləyə bilərik və yaxud digərində. Ona görə belə çətinlik var. Amma sağ olsun futbolçularım bunu bacarırlar. Bunu hələ ki bu tempdə qoruyub saxlaya bilirik. Əlbəttə ki, bəzən gözlənilməz məğlubiyyətlər olur. Bu da futbolun qaçılmaz hissəsidir. Və belə inşallah inanıram ki, bizi qarşıda həm Avropada Çempionlar Liqasının oyunları, həm də ki, maraqlı kubuk və öz çempionat, milli oyunlarımız gözləyir.