“Qarabağ” UEFA Çempionlar Liqasının Liqa mərhələsinin 7-ci turunda “Ayntraxt” klubu üzərində möhtəşəm qələbə qazanıb.

Ağdam klubunun 3:2 hesabı ilə qalib gəldiyi oyunda qələbə qolunu 90+4-cü dəqiqədə Bəhlul Mustafazadə vurub. “Qarabağ”ın mərkəz müdafiəçisi bununla da Çempionlar Liqasının əsas mərhələsində qol vuran ilk azərbaycanlı futbolçu olub.

Qeyd edək ki, “Qarabağ” tarixində 2-ci dəfədir ki, Çempionlar Liqsının əsas mərhələsində çıxış edir. Ağdamlılar Çempionlar Liqasının 2017-2018 mövsümündə 2, bu mövsüm isə hələlik 13 qol vurub.