Bakıdan İrəvana, İrəvandan Təbrizə, Təbrizdən Dərbəndə, Dərbənddən Borçalıya, Borçalıdan Anadoluya, Anadoludan Kərkükə qədər Azərbaycana xəbər verin: Üç Tonqal yandırıldı.

“Qarabağ” klubunun UEFA Çempionlar Liqasında Almaniyanın “Ayntraxt” klubuna qalib gəlməsi ölkəmizdə bayrama səbəb olub. Ağdamlıların bu qələbəsi, ölkə cəmiyyətində məşhur şəxslərin, oyun barədə, maraqlı fikirlər səsləndirməsinə səbəb olub. Professor Dr. Zaur Əliyev də bu oyunla bağlı maraqlı fikirlərlə yadda qalıb. Professor Professor “Qarabağ”ın qələbəsini Şuşa zəfəri ilə müqayisə edib. Professor fikirlərini maraqlı sonluqla bitirib: “Bakıdan İrəvana, İrəvandan Təbrizə, Təbrizdən Dərbəndə, Dərbənddən Borçalıya, Borçalıdan Anadoluya, Anadoludan Kərkükə qədər Azərbaycana xəbər verin: Üç Tonqal yandırıldı.”

Sportdam.com saytı Professor Zaur Əliyevin sosial şəbəkədə paylaşdığı fikirləri ilə sizi tanış edir.

Şuşanın azad edilməsindən sonra erməni zabiti müsahibəsində deyirdi: “Azərbaycan əsgəri Şuşanın ətrafındakı qayalara dırmaşırlar. Dəhşətdir, güllə dəyir yıxılırlar, təzədən durub qanı axa-axa üstümüzə gəlirlər”

Rusiya mediasında gedən yazıdan: “Belə döyüş, dövlət, vətən sevgisi görən olubmu, demək çətindir! Dağ yuxarı, şəhidi çiynində, döyüşə-döyüşə qan, tər içində qalxırdı Azərbaycan ordusu. Nə yaralını, nə də şəhidi əldən buraxmırdılar. Nəfəs almadan Şuşaya çıxdılar…”

Ermənilər etiraf edirlər: “Şuşaya qalxanda biz gördük ki, Azərbaycanlı əsgərlərə söykənən yaralılar əllərində bıçaqla döyüşürdülər. Onlara yaxın durmaq mümkün deyildi. Bir Azərbaycan əsgəri 40 ermənini tək bıçaqla məğlub etmiş idi. Biz belə döyüşü heç filmlərdə görməmiş idik”

Bu gün Qarabağ FK dünyaya bir daha sübut elədi ki, Şuşanı azad edən xalqın oğulları döyüşdə də, futbol da qanı ilə, canı ilə, son nəfəsinə qədər mübarizə aparıb Qələbə qazanır. Bəli, bu gün Qarabağ Ayntraxt üzərində Şuşa qəhrəmanları kimi qələbə qazandı. Qalib ordunun yolunu qalib futbol klubu davam etdirir. Qarabağ Azərbaycandır yox Qarabağ bir Dünyadır demək lazımdır. Bakıdan İrəvana, İrəvandan Təbrizə, Təbrizdən Dərbəndə, Dərbənddən Borçalıya, Borçalıdan Anadoluya, Anadoludan Kərkükə qədər Azərbaycana xəbər verin: Üç Tonqal yandırıldı.