1991-ci ildə Azərbaycanda futbol

1991-ci ildə Azərbaycan SSRİ-ni tərkibində olduğu üçün, ölkəmizdə futbol SSRİ futbol təsərrüfatının bir hissəsi idi.

1991-ci ildə SSRİ klub futbolunda 54-cü çempionat mövsümü idi və Çempionat 4 pilləli liqa sistemindən təşkil edilmişdi. Həmçinin klublar arası SSRİ Kuboku və Bədən tərbiyəsi komandaları arasında SSRİ Futbol Kuboku keçirilmişdir. 1991-ci il SSRİ Liqa sistemi aşağıdakı kimi olmuşdur.

  1. SSRİ Yüksək Liqası (16 komanda)
  2. SSRİ Birinci Liqası (22 komanda)
  3. SSRİ İkinci Liqası bufer zonaları (3 zona və hər birində 22 komanda)
  4. SSRİ İkinci Liqası Respublika zonaları (İndiki Regional Liqası səviyyəsində olan turnir. 10 zona və hər zonada fərqli sayda komanda. 1991-ci ildə Azərbaycan klubları 3-cü zonada mübarizə aparmışlar.)

1991-ci il SSRİ Yüksək Liqasında təəssüf ki, heç bir komandamız iştirak etməmişdir.

1991-ci il SSRİ Birinci Liqasında isə, Bakının “Neftçi” klubu iştirak etmiş və 22 komanda arasında 15-ci yeri tutmuşdur.

1991-ci il SSRİ İkinci Liqasının Bufer zonalarının qərb zonasında 3 klubumuz iştirak etmişdir. Bunlar “Dinamo” Gəncə (indiki “Kəpəz”), “Göyəzən” Qazax və “Qarabağ” Ağdam klubları olmuşdur. 22 komanda arasında “Dinamo” 3-cü, “Qarabağ” 11-ci, “Göyəzən” isə 21-ci yeri tutmuşdur.

SSRİ İkinci Liqasının Respublika zonaları üzrə turnirində isə, klublarımız 3-cu zonada yarışırdı. 20 klubumuzun yarışdığı mövsümdə çempion Sumqayıtın “Xəzər” klubu olur. Qeyd edək ki, bu turnir futbol üzrə Azərbaycan SSR çempionatı idi.

Bədən tərbiyəsi komandaları arasında SSRİ Futbol Kubokunda isə, 3 komandamız iştirak etmişdir. Onlardan Bərdənin “Pambıqçı” komandası finala yüksəlmiş və finalda Belarusun “Metallurq” komandasına 2:1 hesabı ilə məğlub olmuşdur.

 

[display-posts category=”1991″ order=”ASC” posts_per_page=”100″]